​BMT-nin Somalidəki nümayəndəliyinin binası yanındakı partlayışda 6 nəfər ölüb

Bakı. 20 aprel. REPORT.AZ/ BMT-nin Somalidəki nümayəndəliyinin binası yanında baş verən partlayış nəticəsində 6 nəfər ölüb.

"Report" xəbər verir ki, bu haqda BBC məlumat yayıb.

Partlayışın baş verməsi ilə bağlı iki versiya var: binanın yaxınlığındakı mikroavtobusa qoyulmuş partlayıcı qurğu işə düşüb, intiharçı özünü partladıb.

Qeyd edək ki, partlayış ölkənin yarım muxtar bölgəsi Puntlendin mərkəzi Qaroue şəhərində baş verib.