Yuxarı

Avropanın 19 ölkəsi Quaydonu Venesuelanın müvəqqəti prezidenti kimi tanıyıb

Bəyanatı 20-ə yaxın ölkə imzalayıb

Bakı. 5 fevral. REPORT.AZ/ Avropanın 19 ölkəsi Venesuela Milli Məclisinin başçıs Xuan Quaydonu bu ölkənin müvəqqəti prezidenti kimi tanıdığını təsdiq edən birgə bəyanat qəbul edib.

"Report" xəbər verir ki, bu barədə "RİA Novosti" məlumat yayıb.

Məlumata görə, bəyanatı İspaniya, Portuqaliya, Almaniya, Böyük Britaniya, Danimarka, Niderland, Fransa, Macarıstan, Avstriya, Finlandiya, Belçika, Lüksemburq, Çexiya, Latviya, Litva, Estoniya, Polşa, İsveç və Xorvatiya imzalayıb.

Daha əvvəl bildirilib ki, İtaliya Avropa İttifaqının (Aİ) Venesuela parlamentinin sədri Xuan Quaydonun ölkənin müvəqqəti prezidenti kimi tanınması ilə bağlı bəyanatını bloklayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi