Bakı. 13 yanvar. REPORT.AZ/ Birləşmiş Ştatlar prezidenti Barak Obama Amerika Konqresində çıxışına başlayıb.
"Report" xəbər verir ki, tədbir Ağ evin saytında canlı yayımlanır.
Bu, Obamanın Konqresə prezident qismində son müraciətidir.
Obama Amerika qanununa əsasən, 2017-ci ilin yanvarında iki müddətdən sonra öz postunu tərk edəcək.
Prezident müraciətində ölkənin ən mühüm nailiyyətləri barədə danışmaq, həmçinin Birləşmiş Ştatlar qarşısında duran problemlərə diqqət yetirmək niyyətindədir.