​Barak Obama ABŞ Silahlı Qüvvələrinin rəhbərini dəyişib

Bakı. 5 may. REPORT.AZ/ ABŞ prezidenti Barak Obama general Cozef Danfordun namizədliyini Birləşmiş Qərargah Rəisləri Komitəsinin rəhbəri vəzifəsinə irəli sürüb.

"Report" "Reuters"ə istinadən xəbər verir ki, bu barədə Ağ Evin rəsmi nümayəndəsi məlumat yayıb.

Agentliyin məlumatına görə, general Danford 2014-cü ilin oktyabrından ABŞ-ın Dəniz piyadaları korpusuna rəhbərlik edib.