Banqladeşdə qatar relsdən çıxıb, ölənlər və yaralananlar var

Banqladeşdə sərnişin qatarı relsdən çıxıb.

"Report" xəbər verir ki, bu barədə "Daily Star" bildirib.

Məlumata görə, vaqonlardan biri kanala düşüb, daha iki vaqon isə kanalın sahilinə aşıb. Hadisə nəticəsində 5 nəfər həlak olub, daha 100 nəfər xəsarət alıb. Yaralılar xəstəxanaya yerləşdirilib.

Hadisə yerinə fövqəladə xidmətlərin əməkdaşları cəlb edilib.