Bağdadda terror aktları törədilib: 8 nəfər ölüb

Bakı. 27 fevral. REPORT.AZ/ İraqın paytaxtı Bağdad şəhərində baş vermiş partlayış və raket zərbəsi nəticəsində ən azı 8 nəfər ölüb. 

"Report"un "Reuters"ə istinadən verdiyi məlumata görə, şəhərin cənub və şimalında iki partlayış baş verib. Bağdadın cənub hissəsi həmçinin raket zərbələrinə məruz qalıb. Hələlik heç bir terrorçu qruplaşma hadisənin məsuliyyətini öz üzərinə götürməyib.