Bakı. 23 dekabr. REPORT.AZ/ Avstraliyanın Sidney şəhərində terror aktı hazırlamaqda şübhəli bilinən iki nəfər həbs olunub.
"Report"un "Lenta.Ru"-ya istinadən verdiyi xəbərə görə, 24 yaşlı Abdulla Salihi ilə 20 yaşlı Məhəmməd Alamuyinin Avstraliya Silahlı Qüvvələrinə məxsus "Vullumlu" hərbi bazası ilə bağlı məlumat topladığı və beləliklə hərbçilərə qarşı terror aktı hazırladığı iddia olunur.
Hüquq-mühafizə orqanları əhali üçün ciddi təhlükə olmadığını açıqlayıb.
Qeyd edək ki, hazırda 70-ə yaxın Avstraliya vətəndaşı "İŞİD" qruplaşmasına qoşularaq Suriya və İraqda hərbi əməliyyatlarda iştirak edirlər.