Yuxarı

Avropanın bəzi ölkələri Xuan Quaidonu prezident kimi tanıyıb

Avropanın bəzi ölkələri Xuan Quaidonu prezident kimi tanıyıb

Bakı. 4 fevral. REPORT.AZ/ Fransanın xarici işlər naziri Jan-İv Lö Drian özünü Venesuelanın müvəqqəti prezidenti elan etmiş Xuan Quaidonu tanıdıqlarını açıqlayıb.

“Venesuelada prezident üsul-idarəsi olduğuna görə bu böhrana prezident seçkiləri vasitəsilə son qoyulmalıdır. Bizim fikrimizcə, Xuan Quaido belə seçkiləri keçirmək üçün lazımi legitimliyə malikdir”, –  fransalı nazir bildirib.

Böyük Britaniyanın xarici işlər naziri Ceremi Hant da bundan belə Venesuelanın müxalifət lideri Xuan Quaidonu ölkənin müvəqqəti prezidenti kimi tanıdıqlarını açıqlayıb.

Həmçinin İspaniya, Avstriya, Hollandiya, İsveç də onu qanuni dövlət başçısı kimi tanıyıb.

Xatırladaq ki, yanvarın 26-da Almaniya, Fransa, İspaniya, daha sonra da Böyük Britaniya və Hollandiya Venesuelada 8 gün ərzində yeni prezident seçkiləri keçirilməsə, milli Asambleyanın sədri Xuan Quaidonu müvəqqəti dövlət başçısı kimi tanıyacaqlarını açıqlamışdı.

Venesuela müxalifətinin üstün olduğu Milli Asambleyasının (parlamentin) sədri Xuan Quaido yanvarın 23-də keçirilən mitinq zamanı özünü dövlət başçısı əvəzi elan etmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi