​Avropa komissarı: "Aİ 2017-ci ildə türklər üçün viza rejimini ləğv edə bilər"

Bakı. 26 sentyabr. REPORT.AZ/ Aİ 2017-ci ildən Türkiyə vətəndaşları üçün vizaları ləğv edə bilər.

Bu barədə "Report" xarici KİV-lərə istinadən xəbər verir.

"Mənim fikrimcə, əgər lazımi şərtlərə əməl olunarsa, Türkiyə vətəndaşları üçün Şengen ölkələrinə daxil olmaq üçün viza rejiminin iki ildən sonra ləğv edilməsi mümkündür", - 26 sentyabr şənbə günü Almaniyanın həftəlik Welt am Sonntag nəşrinə müsahibəsində Aİ-nin Avropa qonşuluğu siyasəti və genişlənmə üzrə komissarı Yohannes Han bildirib.

Vizanın ləğv edilməsi şərtləri arasında, o, sərhəd nəzarətinin həyata keçirilməsi, biometrik pasportların verilməsi, eləcə də Şengen ölkələrinə daxil olmaq üçün istifadə olunan saxta sənədlərin müəyyən edilməsi istiqamətində Aİ ilə Ankaranın əməkdaşlıq etməsini qeyd edib.