Bakı. 8 mart. REPORT.AZ/ Avropa Komissiyasının sədri Jan-Clod Yunker vahid Avropa odrusunun yaradılması təklifini irəli sürüb.
"Report"un BBC-yə istinadən verdiyi xəbərə görə, Yunkerin fikrincə, həmin ordudan, əgər bu ideya gerçəkləşərsə, o cümlədən, Rusiyanın yaratdığı təhlükələrin də öhdəsindən gəlmək üçün istifadə oluna bilər.
Aİ-nin vahid ordusu onun qənaətincə, "vahid ümumi xarici siyasətin qurulmasında və Avropa təhlükəsizlik siaysətini bütün dünyada həyata keçirməyə imkan verəcək".
Yunker hesab edir ki, Avropa Ittifaqı bu addımla öz dəyərlərinin müdafiəsində möhkəm dayandığının Rusiyaya anlada bilərdi.
Avropa Komissiyasının sədrinin bu fikri ilə Bundestaqın Xarici İşlər üzrə komitəsinin sədri Norbert Röttgen də razıdır: "Vahid Avropa ordusunun yaradılması barədə düşünmək vaxtı çatıb".