Yuxarı

Avropa İttifaqı ofşor ölkələrin "qara siyahısı"nı yeniləyib

Avropa İttifaqı ofşor ölkələrin "qara siyahısı"nı yeniləyib
Adları qara siyahıda olan ölkələr Aİ fondlarına çıxışlarını itirə bilərlər

Bakı. 5 dekabr. REPORT.AZ/ Avropa İttifaqı (Aİ) ölkələrinin maliyyə nazirləri 17 ofşor ölkənin daxil olduğu "qara siyahı"nı təsdiq edib.

"Report" "Reuters"ə istinadən xəbər verir ki, bu barədə Fransanın maliyyə naziri Bruno Le Mer bildirib.

Siyahıya Amerika Samoası, Bəhreyn, Barbados, Qrenada, Quam, Cənubi Koreya, Makao, Marşall adaları, Monqolustan, Namibiya, Palau, Panama, Sent Lusiya, Samoa, Trinidad və Tobaqo, Tunis və Birləşmiş Ərəb Əmirlikləri daxildir.

Nazirin sözlərinə görə, digər 47 yurisdiksiya hazırda Aİ standartlarına cavab verməyən, lakin vergi qaydalarını dəyişdirməyə öhdəlik götürən ölkələrin daxil olduğu ictimai "boz siyahı"ya daxil edilib.

Adları "qara siyahı"da olan ölkələr Aİ fondlarına çıxışlarını itirə bilərlər. Digər mümkün əks-tədbirlər yaxın həftələrdə müəyyən olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi