Yuxarı

Almaniyanın ilk kosmonavtı Ziqmund Yen vəfat edib

Almaniyanın ilk kosmonavtı Ziqmund Yen vəfat edib

İlk alman kosmonavtı Ziqmund Yen 83 yaşında vəfat edib.

"Report" TASS-a istinadən xəbər verir ki, bu barədə Almaniyanın Aerokosmik Mərkəzi (DLR) bildirib.

"Ziqmund Yenin ölümü ilə biz tanınmış kosmonavtı, alimi və mühəndisi itirdik", - deyə DLR-in rəhbəri Paskal Erenfroynd bildirib. "O, həmişə Şərqlə Qərb arasında körpülər tikir, kosmosdan dinc məqsədlər üçün istifadə uğrunda çıxış edirdi", - Paskal Erenfroynd əlavə edib.

Ziqmund Yen 1978-ci ilin 26 avqustunda kosmosa uçan ilk alman olub. O, sovet kosmonavtı Valeri Bıkovski ilə birlikdə "Soyuz-31" kosmik gəmisi ilə "Salyut-6" orbital stansiyasına yola düşüb. Ziqmund Yen Yer kürəsinə qayıtdıqda Sovet İttifaqı və Almaniya Demokratik Respublikasının Qəhrəmanı fəxri adlarını alıb.

O, AFR və ADR-in birləşdirilməsindən sonra Almaniya Aerokosmik Mərkəzi, həmçinin Avropa Kosmik Agentliyi ilə əməkdaşlıq edib. Keçmiş kosmonavt ömrünün sonlarını Berlin yaxınlığındakı Ştrausberq yaşayış məntəqəsində keçirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi