Almaniyada supermarketə silahlı hücum olub, bir nəfər yaralanıb

Bakı. 2 noyabr. REPORT.AZ/ Almaniyanın Bremen şəhərindəki supermarketlərdən birinə silhalı basqın olub.

“Report” "Haberturk"ə istinadən xəbər verir ki, hadisə nəticəsində bir nəfər ağır yaralanıb.

Məlumata görə, supermarketə basqın edən şəxs hadisə yerindən qaçıb.

Hüquq-mühafizə orqanları hadisə ilə bağlı araşdırma aparır. Basqını törədən şəxsin kimliyi və hadisənin səbəbi hələlik məlum deyil.