Yuxarı

Almaniyada BMW-nin zavodunda yanğın baş verib

Almaniyada BMW-nin zavodunda yanğın baş verib
İlkin məlumatlara görə, maqnezium tərkibli məhsullar yanıb

Bakı. 10 iyun. REPORT.AZ/ Almaniyanın Bavariya federal torpağının Landsxut şəhərində BMW avtokonserninə məxsus zavodda bazar günü yanğın baş verib.

"Report" "Passauer Neue Presse" nəşrinə istinadən xəbər verir ki, zavodun müəssisələrindən birində maqnezium tərkibli məhsullar yanıb.

Hazırda yanğın baş vermiş ərazidə havanı qatı tüstü bürüyüb. Yerli icra orqanları insanları qapı və pəncərələrini bağlamağa çağırıb.

Yanğın səbəbindən dəmir yolunun Vert-an-der-İzar və Landsxut yaşayış məntəqələri arasından keçən hissəsində qatarların hərəkəti dayandırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi