Almaniya Baş Prokurorluğu "Borussiya"nın futbolçularının olduğu avtobusa hücumu araşdırmağa başlayıb

Bakı. 12 aprel. REPORT.AZ/ Almaniyanın Baş Prokurorluğu "Borussiya" (Dortmund) futbol klubunun oyunçularının olduğu avtobusa edilmiş hücumun istintaqına qoşulub.

"Report" TASS-a istinadən xəbər verir ki, Baş Prokurorluq yalnız xüsusi ağır və geniş əks-səda doğuran cinayətləri araşdırır. Həmçinin Almaniyanın əsas dövlət ittihamçısı yalnız terrorizm və zorakı ekstremizmlə bağlı işlərə baxır.

Hazırda hüquq-mühafizə orqanları Dortmunddakı partlayışla bağlı bütün versiyaları nəzərdən keçirir.