Yuxarı

Tramp ABŞ nümayəndə heyətinin Davosa səfərini ləğv edib

Ağ Ev başçısı bu addımı büdcə böhranına görə atıb

Bakı. 18 yanvar. REPORT.AZ/ ABŞ prezidenti Donald Tramp davam edən büdcə böhranına görə Amerika nümayəndə heyətinin Davosa - Ümumdünya İqtisadi Forumuna səfərini ləğv edib. 

"Report" TASS-a istinadən xəbər verir ki, bu barədə Ağ Evin mətbuat katibi Sara Sandersin açıqlamasında bildirilir.

"800 min nəfərdən çox gözəl Amerika işçisinini maaşlarını almaması, həmçinin öz komandasının işini lazımı səviyyədə təmin etmək üçün prezident Tramp İsveçrədə, Davosda Ümumdünya İqtisadi Foruma nümayəndə heyətinin səfərini ləğv edib", - deyə o qeyd edib. dedi.

Əvvəlcə güman edilirdi ki, ABŞ-ın Ümumdünya İqtisadi Forumunda nümayəndə heyətinə Donald Tramp özü başçılıq edəcək. Ancaq o, yanvarın 10-da özünün "Twitter" səhifəsində yazıb, Ağ Ev və Konqres arasında Amerika-Meksika sərhədi üzərində nəzarətin güclənməsi ilə bağlı mübahisələrə görə bu səfəri ləğv edəcək.

Daha sonra Amerika administrasiyasının iki nümayəndəsi bildirib ki, nümayəndə heyətinə maliyyə naziri Stiven Mnuçin və ABŞ-ın dövlət katibi Maykl Pompeo başçılıq edəcək.

Bundan əvvəl isə məlum olub ki, Birləşmiş Ştatlar Alyaskada raketlərin ələ keçirilməsi üçün yeni stansiyalar yerləşdirmək niyyətindədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi