Afrinin mühasirəsi başa çatıb

Bakı. 17 mart. REPORT.AZ/ Afrinin mühasirəsi başa çatıb.

“Report” “Ahaber”ə istinadən xəbər verir ki, bu barədə Türkiyə Silahlı Qüvvələri məlumat yayıb.

Bildirilib ki, qərb və şərq hissələrindən şəhəri mühasirəyə alan Türkiyə Silahlı Qüvvələrinin hərbçiləri və Azad Suriya Ordusunun döyüşçüləri Afrinin şimalında birləşib.

Qeyd edək ki, Türkiyə ordusu Suriyanın Afrin bölgəsində "Zeytun budağı" əməliyyatını yanvarın 20-də başlayıb. Əməliyyatda məqsəd bölgəni PKK-nın Suriya qolu olan PYD terrorçularından təmizləməkdir.