ABŞ Venesuelaya sanksiyaları genişləndirdi

ABŞ hökuməti Venesuelanın neft sektorunda fəaliyyət göstərdiklərinə görə dörd şirkəti və dörd gəmini sanksiya siyahısına salıb.

“Report” xəbər verir ki, bu barədə ABŞ-ın Maliyyə Nazirliyi məlumat yayıb.

Bildirilib ki, Marşal Adalarında qeydiyyatdan keçmiş 3 və Yunanıstanda qeydiyyatdan keçmiş 1 şirkət, habelə onlara məxsus 4 tanker gəmisi (Panama, Malta, Baham Adaları və Marşal Adaları bayraqları ilə üzür) barəsində müvafiq şəkildə məhdudlaşdırıcı tədbirlər görülüb.