Yuxarı

ABŞ Şimali Koreyaya qarşı yeni maliyyə sanksiyaları tətbiq edib

ABŞ Şimali Koreyaya qarşı yeni maliyyə sanksiyaları tətbiq edib
Bu, KXDR-in son dərəcə mühüm gəmiçilik və ticarət şəbəkəsinə qarşı yönəlib

Bakı. 21 sentyabr. REPORT.AZ/ ABŞ prezidenti Donald Tramp Nyu-Yorkda Yaponiyanın baş naziri və Cənubi Koreyanın prezidenti ilə görüşündə Şimali Koreyaya qarşı yeni maliyyə sanksiyaları barədə fərman imzaladığını elan edib.

"Report" RİA "Novosti"yə istinadən xəbər verir ki, onun sözlərinə görə, fərman hər şeydən əvvəl Koreya Xalq Demokratik Respublikasının son dərəcə mühüm gəmiçilik və ticarət şəbəkəsinə qarşı yönəlib.

Tramp bundan əlavə bildirib ki, fərman ölkənin Maliyya Nazirliyinə KXDR ilə biznes aparan və ya ona qarşı ticarətlə bağlı tranzaksiyaların aparılmasını yüngülləşdirən istənilən xarici banka qarşı sankisya tətbiq etmək səlahiyyəti verir.

"KXDR-in nüvə və raket proqramını maliyyələşdirmək üçün dünya maliyyə sistemindən sui-istifadə etməsinə çox uzun müddət imkan verilib", — deyə Tramp qeyd edib.

Onun sözlərinə görə, başqa ölkələr də üzərilərinə düşəni etməyiblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi