ABŞ Senatı Suriya, İran və Rusiyaya qarşı sanksiyaları dəstəkləyib

Bakı. 6 fevral. REPORT.AZ/ ABŞ Konqresinin Senatı keçirilən səsvermə zamanı Suriya və Rusiya və İran da daxil olmaqla onun müttəfiqlərinə qarşı sanksiyaların tətbiq olunmasını nəzərdə tutan qanun layihəsini təsdiq edib.

“Report” xəbər verir ki, "Amerika və Yaxın Şərqin təhlükəsizliyinin möhkəmləndirilməsi" adlı qanun layihəsini respublikaçıların əksəriyyəti dəstəkləyib.

Təşəbbüs səsvermə üçün Konqresin demokratların əksəriyyət təşkil etdiyi Nümayəndələr Palatasına göndərilib.