Bakı. 2 mart. REPORT.AZ/ Rusiya və Suriya qırıcıları Əl-Bab şəhəri ətrafında yerləşən bir neçə kənddə səhvən ABŞ-ın dəstəklədiyi ərəb koalisiyası qüvvələrinə zərbə endirib.
"Report" xəbər verir ki, bu bəyanatla çərşənbə günü Amerika general-leytenantı, İŞİD-ə qarşı beynəlxalq əməliyyatların komandanı Stiven Taunsend çıxış edib.
Onun sözlərinə görə, əməliyyat çərşənbə axşamı aparılıb. General bildirib ki, həmin ərazidə Suriyanın hökumət qüvvələri və Türkiyə hərbçiləri də olub.
Rusiyanın Müdafiə Nazirliyi ərəb koalisiyasına zərbənin endirilmədiyini bildirib.