Yuxarı

ABŞ neftin qiymətlərinin ucuzlaşacağını proqnozlaşdırır

​ABŞ neftin qiymətlərinin ucuzlaşacağını proqnozlaşdırır

ABŞ-ın Energetika Nazirliyinin proqnozuna əsasən qısamüddətli dövrdə neftin qiymətinin ucuzlaşması gözlənilir.

"Report"un RİA "Novosti"yə istinadən məlumatına görə, nazirliyin saytında dərc edilmiş xəbərdə qeyd edilir ki, ilin sonuna kimi "Brent" markalı neftin bir barelinin qiyməti 59 dollar səviyyəsində qalacaq.

Qeyd edilir ki, buna baxmayaraq növbəti ilin ikinci rübündə neftin qiyməti 57 dollara qədər ucuzlaşacaq.

Nazirlik belə dəyişikliklərin səbəbini "qara qızıl"ın dünya ehtiyatlarının artımı ilə izah edib.

İdarənin proqnozunda həmçinin göstərilir ki, qiymətlərin düşməsi gələcəkdə neftin bir barelinin qiymətinin 62 dollara qədər artımı ilə əvəzlənəcək. 2020-ci ildə orta proqnozlaşdırılan qiymət təxminən 60 dollar təşkil edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi