Bakı. 13 dekabr. REPORT.AZ/ Ötən gün ABŞ-ın Oregona ştatında naməlum silahlı şəxs şagirdlərə atəş açıb.
"Report"un TASS agentliyinə istinadən verdiyi xəbərə görə, Portland şəhərində qeydə alınan atışma nəticəsində 3 gənc yaralanıb.
Həkimlər onların vəziyyətini sabit ağır olaraq qiymətləndirir. Hadisə yerindən qaçmağa müvəffəq olan silahlı kişinin axtarışı davam etdirilir.
Qeyd etmək lazımdır ki, bu kimi qanlı hadisələr ABŞ-ın təhsil ocaqları üçün nadir hal hesab edilmir. Son olaraq 2013-cü ilin dekabr ayında Uinter-Garden şəhərində (Florida ştatı) silahlı bir şəxs məktəblilərə atəş açmışdı.