Bakı. 23 iyul. REPORT.AZ/ ABŞ-ın maliyyə naziri Stiven Mnuçin prezident Donald Trampın G20-nin Argentinada noyabrın 30-dan dekabrın 1-dək keçiriləcək sammitində iştirakını təsdiqləyib.
"Report" xəbər verir ki, bu barədə RİA "Novosti" məlumat yayıb.
"O, (sammitə-red) gedəcək. Mən bura onunla qayıdacağıma şadam. Bilirəm ki, o, liderlərlə (hökumət və dövlət rəhbərləri ilə - red) məhsuldar diskussiyaları gözləyir", - deyə Mnuçin bildirib.
Daha əvvəl Rusiya prezidenti Vladimir Putin də G20 sammitində Trampla görüşün mümkünlüyünü açıqlayıb.