ABŞ-ın başçılıq etdiyi koalisiya Bağdadın istəyi ilə İraqda qalacaq

Bakı. 20 avqust. REPORT.AZ/ Beynəlxalq antiterror koalisiyasının tərkibində olan ABŞ hərbçiləri rəsmi Bağdadın istəyi ilə İraqda qalacaqlar.

"Report" TASS-a istinadən xəbər verir ki, bu barədə alyansın rəsmi nümayəndəsi, amerikalı polkovnik Şon Rayan Dubayda təşkil edilən mətbuat konfransında bildirib.

"Beynəlxalq koalisiya İraq hökumətinin istəyinə əsasən İraqda qalır", - Ş.Rayan deyib.

Onun sözlərinə görə, İŞİD terror qruplaşması ciddi rəqibdir, onların üzvlərinin sayı çoxdur, koalisiya İŞİD yaraqlılarına qarşı mübarizəni davam etdirəcək.