ABŞ İraqın iki vətəndaşını və bir şirkətini sanksiya siyahısına əlavə edib

ABŞ İraqın iki vətəndaşını və bir şirkətini sanksiya siyahısına daxil edib.

"Report" RİA "Novosti"yə istinadən xəbər verir ki, bu barədə ABŞ-ın Maliyyə Nazirliyi məlumat yayıb.

Bildirilib ki, hər iki şəxs və "South Wealth Resourses Company" şirkəti İran İslam İnqilabı Keşikçiləri Korpusu ilə əlaqədə olması səbəbindən bu siyahıya salınıb.

Qeyd edək ki, ABŞ İran İslam İnqilabı Keşikçiləri Korpusunu terrorçu təşkilat kimi tanıyır.