Yuxarı

ABŞ Əfqanıstandakı hərbi qüvvələrinin yarısını yaxın vaxtlarda ölkədən çıxaracaq

ABŞ Əfqanıstandakı hərbçilərinin yarısını yaxın vaxtlarda çıxaracaq

Bakı. 6 fevral. REPORT.AZ/ "ABŞ-la “Taliban” hərəkatı arasındakı danışıqlarda fevralın əvvəlindən aprel ayının sonunadək bu ölkənin hərbi qüvvələrinin yarısının Əfqanıstandan çıxarılacağı vədi verilib".

“Report” “RİA Novosti”yə istinadən xəbər verir ki, bunu Moskvada keçirilən Əfqanıstandakı Tərəflərarası Forum zamanı “Taliban”ın sözçüsü Mövləvi Əbdüsalam Hənəfi jurnalistlərə bildirib.

“Taliban” nümayəndə heyətinin başçısı Şir Məhəmməd Abbas Stənikzai forumda hərəkata qarşı qüvvədə olan sanksiyaların sülhün əldə olunmasına əngəl yaratdığından onların ləğv edilməsi zərurətini diqqətə çatdırıb.

“Sülh danışıqları ilə sanksiyalar bir-birinə zidd davranışlardır, yanaşı yürüdülə bilməz. Təzyiq vasitəsi kimi istifadə olunan bütün bu əsassız sanksiya və siyahılar ortadan qaldırılmalıdır ki, “Taliban” nümayəndələri müxtəlif yerlərdə sülh danışıqlarında maneəsiz iştirak edə bilsin”, - “Taliban” təmsilçisi vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi