Bakı. 6 sentyabr. REPORT.AZ/ ABŞ Əfqanıstana əlavə olaraq 3,5 min əsgər göndərməklə oradakı hərbi kontingentinin ümumi sayını 14,5 min nəfərə çatdıracaq.
"Report" RİA "Novosti"yə istinadən xəbər verir ki, bu barədə Pentaqondakı mənbələrinə istinadən "Reuters" məlumat yayıb.
Bundan əvvəl Əfqanıstandakı Amerika kontingentinin sayının artırılacağını ABŞ-ın müdafiə naziri Ceyms Mettis bildirmişdi. Lakin o, həmin vaxt Ağ evin belə məlumatların açıqlanmaması barədə yeni konsepsiyası ilə əlaqədar olaraq qoşunların dəqiq sayı barədə məlumat verməmişdi.
"Reuters"in məlumatına görə, hərbi qulluqçuların dəqiq sayı çərşənbə günü Mettisin konqresmenlərlə söhbətindən sonra məlum olub.