Yuxarı

ABŞ dövlət katibi KXDR-in lideri ilə danışıqlar üçün Pxenyana gedib

ABŞ dövlət katibi KXDR-in lideri ilə danışıqlar üçün Pxenyana gedib

Bakı. 5 iyul. REPORT.AZ / ABŞ dövlət katibi Mayk Pompeo Koreya Xalq Demokratik Respublikasının (KXDR) lideri Kim Çen Inla iyulun 6-7-də keçiriləcək danışıqlarda iştirak etmək üçün Pxenyana yola düşüb. 

Bu barədə "Report" "İnterfaks"a istinadən xəbər verir.

Kim Çen Inla Mayk Pompeo arasında danışıqlar Sinqapurdakı sammitin yekununda Şimali Koreyanın lideri ilə Donald Trampın əldə etdiyi razılaşmalar çərçivəsində denuklearizasiyası üzrə müfəssəl planın hazırlanmasına həsr olunacaq.

Vaşinqtonda ümid edirlər ki, denuklearizasiya prosesi bir ildən az vaxt aparacaq.

İyulun 7-də günün ikinci yarısında M.Pompeo Pxenyandan Tokioya yola düşəcək, burada Yaponiya və Cənubi Koreyanın xarici siyasət idarələrinin rəhbərləri ilə görüşəcək, həmçinin Kim Çen Inla danışıqların yekunlarını müzakirə edəcək.

Dövlət katibinin Vyetnama və Abu-Dabiyə səfəri də gözlənilir. O bundan sonra iyulun 11-12-də keçiriləcək NATO sammitində iştirak etmək üçün Brüsselə gedəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi