ABŞ-da qaz sisternləri ilə yüklənmiş maşın hərbi bazaya daxil olaraq partlayıb, ölən var

Bakı. 23 mart. REPORT.AZ/ ABŞ-ın Kaliforniya ştatında propan qazı ilə dolu sisternlərlə yüklənmiş avtomobil Trevis hərbi bazasının darvazalarını sındıraraq içəriyə daxil olub və partlayıb.

"Report" xəbər verir ki, bu barədə məlumatı CBS telekanalı yayıb.

Qeyd olunur ki, partlayış zamanı sürücü yerindəcə keçinib.

Polisin verdiyi məlumata görə, sürücü qəzanı bilərəkdən törədib və maşını özü yandırıb.

Onun kimliyi artıq məlumdur, lakin istintaq sirri olduğu üçün açıqlanmır. Hadisənin mümkün səbəbləri arasında terror aktı və ya intihar istisna deyil.

Araşdırma Federal Tədqiqatlar Bürosu və ABŞ Hərbi Qüvvələrinin Xüsusi araşdırma şöbəsi tərəfindən aparılır.