ABŞ-da koronavirusdan ölənlərin sayı 25 mini ötüb

ABŞ-da COVID-19 infeksiyasının yaratdığı xəstəlikdən ölənlərin sayı artıb.

“Report” xəbər verir ki, bu barədə ABŞ-ın Cons Hopkins Universiteti məlumat yayıb.

Belə ki, yerli vaxtla saat 15:20-yə ( Bakı vaxtı ilə - 23:20) olan məlumata görə, Amerikada koronavirus 25 239 nəfərin həyatına son qoyub.

Koronavirus infeksiyasına təsdiqlənmiş halların sayı 592 minə çatıb, 44 min nəfər müalicə alaraq sağalıb.