ABŞ-da hərbi-nəqliyyat təyyarəsi qəzaya uğrayıb, 8 nəfər ölüb

Bakı. 11 iyul. REPORT.AZ/ ABŞ-da "S-130" tipli hərbi-nəqliyyat təyyarəsi qəzaya uğrayıb.

"Report" xəbər verir ki, hadisə Missisipi ştatının Leflor dairəsində baş verib.

Yerli KİV-in məlumatına görə, qəza zamanı təyyarənin göyərtəsində 8 nəfər olub.

Qəzadan sonra yanğın baş verib. Xilasedicilər alovu söndürə bilmədikləri üçün həlak olanların cəsədlərinin axtarışı çətinləşib. Hələ ki, dörd nəfərin meyitinin qalıqları tapılıb.