ABŞ-da güclü qasırğa nəticəsində 1 nəfər ölüb, 25 nəfər yaralanıb

Bakı. 17 may. REPORT.AZ/ Çərşənbə axşamı ABŞ-ın Viskonsin ştatının Berron dairəsində güclü qasırğa baş verib.

"Report" RİA "Novosti"yə istinadən xəbər verir ki, bu barədə yerli WQOW telekanalı məlumat yayıb.

Dairə şerifi Kris Fitsceralda istinadən verilən məlumata görə, təbii fəlakət nəticəsində 1 nəfər ölüb, 25 nəfər xəsarət alıb.

Ən çox ziyan insanların da yaşadığı treyler dayanacağına, həmçinin quşçuluq fermasına dəyib.

Qasırğa Viskonsinlə yanaşı, Texas, Nebraska, Oklahoma və Kanzas ştatlarında da qeydə alınıb.