Şərqi Çin dənizində iki gəmi toqquşub, 30 İran dənizçisi itkin düşüb

Bakı. 7 yanvar. REPORT.AZ/ Şərqi Çin dənizində gəmi və Panama bayrağı altında üzən neft tankerinin toqquşması nəticəsində 32 nəfər itkin düşüb.

"Report" "Sinxua"ya istinadən xəbər verir ki, bu barədə Çinin Nəqliyyat Nazirliyi məlumat yayıb.

Hadisə axşam saatlarında baş verib. İtkin düşən dənizçilərdən 30 nəfəri iranlı, ikisi isə benqallıdır.

20-dən çox dənizçi təhlükəsiz şəraitdədir. Qəza yerinə xilasetmə katerləri göndərilib. Hadisənin səbəbləri araşdırılır.