Səyavuş Heydərov: "Azərbaycançılıq fəlsəfəmizdə Vətən uğrunda ölənlər şəhid hesab olunur"

Bakı. 22 iyun. REPORT.AZ/ “Yad dini ideologiyaların təsirinə məruz qalmış, onların apardıqları döyüşlərdə ölmüş, öldürülmüş şəxsləri də bəzən şəhid adlandırırlar. Bu, düzgün deyil”.

“Report”un xəbərinə görə, bunu Dini Qurumlarla İş üzrə Dövlət Komitəsinin sədr müavini Səyavuş Heydərov “Hərbi vətənpərvərlik: Silahlı Qüvvələrimiz və milli-mənəvi dəyərlərimiz” mövzusunda keçirilən konfransda deyib.

Onun sözlərinə görə, həmin şəxslərin heç birinin amalında şəhidlik yoxdur: "Bu məsələdə anlaqlı olmaq lazımdır. "Qurani-Kərim"də bu məsələ aydın ifadə olunub. Azərbaycançılıq fəlsəfəmizdə Vətən uğrunda ölənlər şəhid hesab olunur. Hər bir kəs özünə arzulayar ki, o səviyyəyə çatsın. Qəhrəman kimi dünyasını dəyişmək ən böyük varlıq, nemətdir".