QMİ sədri: “Heç bir din xadimi Ramazan ayı boyunca iftardan əvvəl məclislərə getməməlidir”

Bakı. 24 may. REPORT.AZ/ “Heç bir müsəlman və din xadimi Ramazan ayı boyunca iftardan əvvəl məclislərə getməməli, ümumiyyətlə iştirakçısı və təşkilatçısı olmamalıdır”.

“Report” xəbər verir ki, bunu Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə Ramazan ayı ilə bağlı keçirilən iclasda deyib.

“Biz nümunə olmalıyıq. Siz də mənim nümayəndələrimsiniz” - deyən QMİ sədri əlavə edib ki, belə məsələdə diqqətli olmaq lazımdır: “Əvvəldən deyirəm ki, sonradan tutduğunuz vəzifədən kənarlaşdırmaq barədə qərar verəndə təəccüblənməyəsiniz. Ən azından məni bu məcburiyyət qarşısında buraxmayın”.