Bakı. 15 mart. REPORT.AZ/ “İslam həmrəyliyi irqindən, dinindən asılı olmayaraq yaxşıların ittifaqıdır”.
“Report” xəbər verir ki, bunu Dini Qurumlarla İş üzrə Dövlət Komitəsinin sədr müavini Gündüz İsmayılov “İslam həmrəyliyi-zamanın çağrışı” adlı konfransda deyib.
O bildirib ki, İslam həmrəyliyi terrorizmə, ədalətsizliyə, qadına qarşı zorakılığa yox, deməkdir: “İslam həmrəyliyi öldürmək istəyənlərin deyil, xilas etmək istəyənlərin birliyidir. İslam həmrəyliyi yaradılanı Yaradanın xatirinə sevənlərin, bəşəriyyətin taleyini bölüşənlərin həmrəyliyidir”.