Gürcüstanın baş naziri Ramazan ayının başlanması münasibətilə müsəlmanları təbrik edib

Tbilisi. 7 iyun. REPORT. AZ/ Gürcüstanın baş naziri Qeorgi Kvirikaşvili müqəddəs Ramazan ayının başlanması münasibətilə müsəlmanları təbrik edib.

"Report"un Gürcüstan bürosunun məlumatına görə, baş nazir müsəlmanlara sülh və əmin-amanlıq arzulayıb.

Baş nazirin təbrik məktubunda deyilir: “Səmimi qəlbdən müsəlman vətəndaşlarımızı Ramazan ayının başlanması münasibəti ilə təbrik edirəm. Bu bayram hər bir müsəlman üçün çox mühüm əhəmiyyət kəsb edir. Sizin hamınıza sülh, xoşbəxtlik və firavanlıq arzulayıram”.