Bir qrup Şirvan sakini Həcc ziyarətinə yola düşüb

Bakı. 13. sentyabr. REPORT. AZ/ Bu gün Şirvan şəhərindən bir qrup zəvvar Həcc ziyarətinə yola düşüb.

"Report" xəbər verir ki, səhər saatlarında Şirvandan avtobusla Bakıya gələn 26 zəvvar buradan təyyarə ilə Mədinə şəhərinə yola salınıb.

Zəvvarlar müqəddəs ziyarətgahda Azərbaycanın ərazi bütövlüyünün təmin olunması, xalqın sülh və əmin-amanlıq içində yaşaması üçün dua edəcəklərini bildiriblər.