Bakıda dini tolerantlığa həsr olunmuş beynəlxalq konfrans keçiriləcək

Bakı. 7 noyabr. REPORT.AZ/ Noyabr ayının 17-18-də Bakıda dini tolerantlıq məsələlərinə həsr olunmuş beynəlxalq konfrans keçiriləcək. "Report"un verdiyi xəbərə görə, tədbir Qafqaz Müsəlmanları İdarəsi (QMİ) və ATƏT-in Bakıda layihələr koordinatoru ofisi tərəfindən təşkil olunur.

Konfransda dövlət qurumları, QMİ, beynəlxalq təşkilatlar, parlament, dini icmalar və QHT nümayəndələri iştirak edəcək. İştirakçılar dini tolerantlığın saxlanılması və möhkəmləndirilməsi məsələlərini müzakirə edəcəklər.