​Almaniyada 100 min nəfər antiislamçılara qarşı nümayişə çıxıb

Bakı. 13 yanvar. REPORT.AZ/ Almaniyada antiislam aksiyalarına qarşı nümayişlərdə təqribən 100 min nəfər iştirak edib.

"Report" "Franc-Press"ə istinadən xəbər verir ki, etiraz aksiyaları Almaniyanın bir çox şəhərlərində keçirilib.

Aksiya iştirakçıları "Pegida" antiislam hərəkatına qarşı çıxış ediblər.

Məlumata görə, Leypsiqdə keçirilən etiraz aksiyasında 30 min, Münhendə 20 min, Hannoverdə 17 min nəfər iştirak edib. Nümayişlər, həmçinin Berlin, Hamburq və Düsseldorfda keçirilib.