Allahşükür Paşazadə "Dini etiqad azadlığı haqqında" qanuna edilən dəyişikliyə münasibət bildirib

"Qafqaz Müsəlmanları İdarəsi din xadimlərinin attestasiyasının keçirilməsi prosesinə müəyyən qədər öz töhfəsini verəcək".

Bunu "Report"un sualına cavab olaraq QMİ sədri Şeyxülislam Allahşükür Paşazadə deyib.

Onun sözlərinə görə, attestasiyada tanınmış din xadimləri iştirak edəcəklər: "Əgər imtahan verənlər layiq olsalar, öz biliklərini nümayiş etdirərək attestasiyadan keçə biləcəklər".

Qeyd edək ki, "Dini etiqad azadlığı haqqında" qanuna edilən dəyişikliklərə əsasən, din xadimlərinin attestasiyasının keçirilməsi Dini Qurumlarla İş üzrə Dövlət Komitəsinin səlahiyyətinə verilib. İndiyədək bu işi Qafqaz Müsəlmanları İdarəsi həyata keçirirdi.