Türkiyədə Həcc ziyarətinə gedənlər gələn ay məlum olacaq

Bakı. 5 yanvar. REPORT.AZ/ Türkiyədə bu il Həcc ziyarətinə getmək istəyənlərin qeydiyyatı yanvarın 6-da başa çatacaq.

"Report" Türkiyə mediasına istinadən xəbər verir ki, bunu Lüleburgaz bölgə müftisi Hüseyn Uysal deyib.

O bildirib ki, Həcc ziyarətinə gedənlər üçün qeydiyat ötən il dekabrın 28-də başlayıb. Ziyarətə getmək üçün əvvəlki qeydiyyatların yenilənməsi prosesi isə yanvarın 9-dan başlayacaq və 31-dək davam edəcək.

Həcc ziyarətinə kimlərin gedəcəyi isə fevralın 23-də keçirləcək püşkatma nəticəsində bilinəcək.