Yuxarı

Şeyxülislam Allahşükür Paşazadə din xadimlərinə xəbərdarlıq edib

“Xətaya yol verənlər müvafiq qaydada cəzalandırılacaqlar”

Bakı. 13 oktyabr. REPORT.AZ/ “Din xadimlərinin moizə və xütbələrində vətənpərvərlik hisslərinin aşılanması vacibdir və milli, habelə məzhəb ayrı-seçkiliyinin təbliği qəti yolverilməzdir”. “Report”un məlumatına görə, bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə QMİ-də keçirilən tədbirdə bildirib. O deyib ki, məsələyə nəzarət daha da gücləndiriləcək və xətaya yol verənlər müvafiq qaydada cəzalandırılacaqlar.

QMİ sədri, həmçinin bildirib ki, din xadimlərinin təkmilləşdirmə kursları Məhərrəm ayından sonra fəaliyyətini davam etdirəcək.

Şeyxülislam QMİ Qazılar Şurasının tərkibində Etika komissiyasının yaradılması barədə də məlumat verib. O bildirib ki, QMİ-nin din xadimlərinin fəaliyyətində dini-etik məqamların gözlənilməməsi faktları aşkarlanarsa, bununla bağlı komissiyanın rəyi olacaq: “Bu rəy işəgötürmə məsələsində də vacib şərt kimi nəzərdən keçiriləcək”.

Komissiyanın sədri Şeyxülislam Allahşükür Paşazadədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi