Yuxarı

QMİ sədri: “Müsəlman ölkələrində baş verən iğtişaşlar Qərb dövlətlərinin siyasətinin bəhrəsidir”

QMİ sədri: “Müsəlman ölkələrində baş verən iğtişaşlar Qərb dövlətlərinin siyasətinin bəhrəsidir”
“Nə qədər islamafobiya artırsa, o qədər də islam dövlətlərinin Avropaya olan münasibəti dəyişir”

Bakı. 6 may. REPORT.AZ/ “Hələ sovet dövründə Əfqanıstanda, Fələstində və digər başqa yerlərdə baş verən hadisələrə baxanda görünürdü ki, bunlar özbaşına baş vermir. Sonrakı dövrdə də Əfqanıstanda, İraqda, Liviyada, Suriyada, Yəməndə baş verən iğtişaşlara baxanda görürsən ki, bu, Qərb dövlətlərinin siyasətinin bəhrəsidir”.

“Report”un xəbərinə görə, bunu Qafqaz Müsəlmanları İdarəsinin sədri (QMİ) Allahşükür Paşazadə deyib.

O bildirib ki, Avropa dövlətləri hadisələrin bu cür davam edəcəyini gözləmirdilər: “Avropaya miqrant axını nəticəsində o dövlətlərin özləri də əziyyət çəkir. İndi miqrantların qarşısına hasarlar çəkirlər, dünyada islamafobiya meyilləri artır. Nə qədər islamafobiya artırsa, islam dövlətlərinin Avropaya olan münasibəti də dəyişir”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi