Yuxarı

Mübariz Qurbanlı və Allahşükür Paşazadə Gəncədə dindarların yürüşünün qarşısının alınmasına münasibət bildirib

Əzadarlıq məscidin içində olmalıdır

Bakı. 24 oktyabr. REPORT.AZ/ "Məhərrəmlikdə, Aşura günündə həmişə kütləvilik olub. Gəncədə baş verənlər də mətbuatın yazdığı kimi deyil. Orada insanlar Şah Abbas məscidinə yürüş etmək istəyiblər, bunun da qarşısı alınıb".

"Report"un məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.

O qeyd edib ki, yürüş etmək yolverilməzdir: "Əzadarlıq məscidin içində olmalıdır. Biz bunu dəfələrlə bildirmişik ki, kütləvilik olsa da, yürüş-aksiya olmamalıdır".

M.Qurbanlı bildirib ki, Azərbaycanda dini tolerantlıq mövcuddur, dinlərarası münasibətlər yüksək səviyyədədir.

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə də bu məsələyə münasibət bildirib: "Gəncədə baş verənləri şişirtmək lazım deyil. Bunu hətta siyasiləşdirmək istəyənlər də var. Burada hər hansı siyasi məsələdən söhbət gedə bilməz. Hər şey qanun çərçivəsində həll olunmalıdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi