Yuxarı
    Bağlamaq

    Mübariz Qurbanlı: “Azərbaycan bütün dini konfessiyalara hörmətlə yanaşır”

    Bakıda dağ yəhudilər sinaqoqunda “Tövrat”ın qədim nüsxəsinin təqdimetmə mərasimi keçirilib

    Bakı. 1 sentyabr. REPORT.AZ/ Bu gün Bakıda dağ yəhudiləri sinaqoqunda "Tövrat"ın ABŞ-dan gətirilmiş qədim nüsxəsinin təqdimetmə mərasimi keçirilib.

    "Report"un məlumatına görə, əvvəlcə yəhudilərin adət-ənənələrinə uyğun olaraq kitab tədbir iştirakçılarına nümayiş etdirilib.

    Daha sonra Dağ Yəhudiləri Dini İcmasının nümayəndələri, ravvinlər bu əlamətdar gün münasibətilə tədbir iştirakçılarını təbrik edib, Azərbaycan dövlətinə bu günü qeyd etməyə imkan verdiyinə görə təşəkkürlərini bildiriblər.

    Tədbirdə Azərbaycanın Dini Qurumları ilə İş üzrə Dövlət Komitəsinin sədri Mübariz Qurbanlı çıxış edib. Onun sözlərinə görə, Azərbaycan elə bil ölkədir ki, burada bütün dini konfessiyalara hörmətlə yanaşılır. Komitə sədri deyib ki, bu, Azərbaycan xalqının tolerantlığının təzahürüdür. Sədr deyib ki, yəhudilər Azərbaycanın ən qədim sakinlərindəndir.

    Daha sonra çıxış edən İsrailin Azərbaycandakı səfiri Dan Stav "Tövrat"ın yəhudilər üçün əhəmiyyətindən danışıb.

    Dağ Yəhudiləri Dini İcmasının rəhbəri Milix Yevdayev də deyib ki, multikulturalizm xalqın yüksək mədəniyyətinin təzahürüdür: "Azərbaycan elə bir məmləkətdir ki, orada bütün xalqlar sülh və əmin-amanlıq şəraitində yaşayırlar".

    Tədbirdə bir sıra xarici ölkələrin səfirləri, katolik və pravoslav kilsələrin Azərbaycandakı nümayəndələri, Azərbaycanın ABŞ-dakı səfiri Elin Süleymanov, Milli Məclis deputatları və başqaları iştirak ediblər.

    Sinaqoqa təqdim olunan bu "Tövrat" ABŞ-dan Mövsümovlar ailəsi tərəfindən gətirilib. Bu, dağ yəhudiləri sinaqoquna təqdim olunan sayca dördüncü "Tövrat"dır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi