Yuxarı
    Bağlamaq

    Azərbaycandakı məscidlərdə Heydər Əliyevin xatirəsinə ehsan mərasimləri keçirilib

    QMİ-nin Gürcüstan, Türkiyə, Rusiya və İrandakı nümayəndəliklərində də ulu öndəri anma mərasimləri olub

    Bakı. 12 dekabr. REPORT.AZ/ Bu gün Azərbaycan xalqının ulu öndəri Heydər Əliyevi anım günündə Qafqaz Müsəlmanları İdarəsinin (QMİ) tabeliyində olan məscidlərin hamısında ümummilli liderin xatirəsi yad edilib. Mərhumun ruhuna dualar edilib.

    Bu barədə "Report"a QMİ-nin mətbuat xidmətindən bildirilib.

    Cümə namazı zamanı moizələrdə Heydər Əliyev şəxsiyyətinin Azərbaycan xalqının xilaskarı olaraq misilsiz fəaliyyəti, habelə milli-mənəvi və dini dəyərlərinə ehtiram və qayğısı xüsusi vurğulanıb. Dindarlar bünövrəsi ulu öndər Heydər Əliyev tərəfindən qoyulmuş və dövlət başçısı İlham Əliyev tərəfindən inkişaf etdirilən milli-mənəvi, dini dəyərlərə, multikulturalizm ideyalarına ehtiram və qayğının davamlı olması üçün dualar ediblər.

    Mərhumun əziz xatirəsinə bütün məscidlərdə ehsan mərasimləri keçirilib. Eyni zamanda QMİ-nin Gürcüstan, Türkiyə, Rusiya və İrandakı nümayəndəliklərində də ulu öndəri anma mərasimləri keçirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi