Yuxarı
    Bağlamaq

    Məhərrəm ayı oktyabrın 3-də başlayır

    Bu ayla əlaqədar QMİ tərəfindən fətva veriləcək

    Bakı. 15 sentyabr. REPORT.AZ/ Bu il Məhərrəm ayı Miladi təqvimi ilə oktyabrın 3-ü, bazar ertəsi günü başlayacaq.

    "Report"un xəbərinə görə, Hicri-qəməri təqviminin son ayı Zilhiccə bu il oktyabrın 2-si, bazar günü başa çatacaq. Bundan sonra Məhərrəm ayının 1-i tarixi ilə 1438-ci il başlayacaq.

    Oktyabrın 12-də - Məhərrəm ayının 10-cu günü Aşura qeyd olunacaq.

    Məhərrəm ayı miladi təqvimi ilə oktyabrın 31-də, səfər ayı isə noyabrın 30-da, yaxud dekabrın 1-də başa çatacaq. 

    Qafqaz Müsəlmanları İdarəsinin (QMİ) mətbuat xidmətinin rəhbəri Rəhimə Dadaşova "Report"a bildirib ki, Məhərrəm ayının başlanması ilə əlaqədar olaraq, QMİ Qazilər Şurası tərəfindən fətva veriləcək.

    Qeyd edək ki, Məhəmməd peyğəmbərin (s) nəvəsi imam Hüseyn (ə), onun ailə üzvləri və tərəfdarları Hicri-qəməri təqvimi ilə 61-ci ildə Məhərrəm ayının 10-da Kərbəlada şəhid ediliblər.

    Məhərrəm ayı Hicri-qəməri ilinin ayları arasında müqəddəs aylardan biridir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi