Yuxarı

​Hacı Surxay Məmmədli "Heydər" məscidində cümə namazına imamlıq edib

Məzhəbindən asılı olmayaraq, müsəlmanlar bir araya gələrək vəhdət namazı qılıb

Bakı. 25 dekabr. REPORT.AZ/ Bakının Binəqədi rayonu ərazisində yerləşən "Heydər" məscidində bu gün keçirilən cümə namazı İçərişəhər "Cümə" məscidi dini icmasının sədri, axund Hacı Surxay Məmmədlinin imamlığı ilə qılınıb.

Bu barədə "Report"a Səbail Rayon İcra Hakimiyyəti Başçısı Aparatının İnformasiya təminatı və təhlil sektorunun müdiri İsrafil Kərimov məlumat verib.

Əvvəlcə Hacı Surxay vəhdət barədə xütbə ilə çıxış edib, sonra isə məzhəbindən asılı olmayaraq, burada iştirak edən müsəlmanların hamısı bir araya gələrək vəhdət namazı qılıblar.

Qeyd edək ki, Prezident İlham Əliyevin sərəncamı ilə tikilmiş Qafqazın ən böyük məscidi olan "Heydər" məscidi istifadəyə verildikdən sonra dekabrın 14-dən etibarən ibadətə açılıb. Həmin gün məsciddə ilk cümə namazı qılınıb.

İlk dəfə "Heydər" məscidində Qafqaz Müsəlmanları İdarəsinin sədri, şeyxülislam Allahşükür Paşazadə xütbə oxuyub və bildirib ki, bundan sonra tanınmış dindarlar "Heydər" məscidində xütbə oxuyacaqlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi